اسرائیلی فوج نے فلسطین کے علاقے غزہ کی پٹی کی سرحد پر باڑ عبور کرنے والے تین فلسطینیوں کو شہید اور ایک کو گرفتار کرنے کا دعویٰ کیا ہے۔
مرکز اطلاعات فلسطین کے مطابق اسرائیلی فوج کے ترجمان افیخائی ادرعی نے ایک بیان میں کہا کہ فوج نے غزہ کی سرحد پر دراندازی کے مختلف واقعات میں اتوار کو گولیاں مار کر تین فلسطینیوں کو شہید اور ایک کو گرفتار کرلیا۔
ترجمان نے بتایا کہ دو فلسطینیں کو جنوبی غزہ میں سرحد عبور کرنے کی کوشش کے دوران شہید کیا گیا جب کہ ایک فلسطینی کو مشرقی غزہ کی سرحد عبور کرتے ہوئے شہید اور دوسرے کو گرفتار کرلیا۔
ترجمان نے بتایا کہ جنوبی غزہ میں سرحد عبور کرنے والے فلسطینیوں نے فوج کی گشتی پارٹی پر دستی بموں سے حملہ بھی کیا تاہم اس کے نتیجے میں کسی قسم کا جانی نقصان نہیں ہوا۔ جوابی کارروائی میں دونوں کو شہید کردیا گیا۔ فلسطینی طبی ذرائع نے ان ہلاکتوں کی تصدیق نہیں کی۔
