صہیونی فوج نے قبلہ اول کا محافظ پندرہ دن کے لیے بے دخل کردیا

اسرائیلی فوج نے مسجد اقصیٰ کے ایک سینیر محافظ کو پندرہ دن کے لیے قبلہ اول میں داخل ہونے پر پابندی عاید کردی۔

مرکزاطلاعات فلسطین کے مطابق اسرائیلی فوج نے مسجد اقصیٰ کے احاطے سے ایک مسجد کے ایک محافظ ایھاب ابو غزالہ کو حراست میں لیا اور انہیں پرانے شہر میں قائم ایک حراستی مرکز منتقل کردیا گیا۔

اسرائیلی پولیس نے ابو غزالہ پر یہودی آباد کاروں کو مسجد اقصیٰ سے دور کرنے اور پولیس احکامات ماننے سے انکار کا الزام عاید کیا جس کے بعد انہیں پندرہ دن کے لیے قبلہ اول سے بے دخل کردیا گیا۔

ادھر جمعرات کو اسرائیلی فوج اور پولیس کی فول پروف سیکیورٹی میں 46 یہودی آباد کاروں نے مسجد اقصیٰ کی بے حرمتی کی۔ یہودی آباد کار ساڑھے تین گھنٹے قبلہ اول میں گھومتے اور اشتعال انگیز حرکات کرتےرہے۔ اس موقع پر اسرائیلی فوج اور پولیس کی بھاری نفری نے یہودی شرپسندوں کو قبلہ اول پر دھاووں کے لیے فول پروف سیکیورٹی مہیا کر رکھی تھی۔