فلسطین میں انسانی حقوق کے لیے کام کرنے والے اداروں کی جانب سے جاری کردہ رپورٹس میں بتایا گیا ہے کہ صہیونی حکام نے گذشتہ روز 25 فلسطینیوں کو انتظامی قید کی سزائیں۔
مرکزاطلاعات فلسطین کے مطابق کلب برائے اسیران کی رپورٹ میں بتایا گیا ہے کہ صہیونی حکام نے گذشتہ روز حراست میں لیے گئے 25 فلسطینیوں کو انتظامی قید کی سزائیں سنائیں۔ جب کہ رواں ماہ کے دوران درجنوں فلسطینیوں کو دو ماہ سے چھ ماہ تک قابل تجدید انتظامی قید کی سزائیں سنائی جا چکی ہیں۔
رپورٹ کے مطابق 11 نئے فلسطینیوں کو انتظامی حراست کے تحت پابند سلاسل کردیا گیا جب کہ 14 کی سزاؤں میں دو سے چھ ماہ کی قابل توسیع تجدید کی گئی ہے۔
کلب برائے اسیران کے مندوب محمود الحلبی نے بتایا کہ اسرائیلی حکام نے نو فلسطینیوں کو پہلی بار عمرقید کی سزائیں سنائی جبکہ آٹھ فلسطینیوں کی انتظامی قید میں توسیع کی گئی۔
خیال رہے کہ اسرائیلی زندانوں میں7 ہزار فلسطینی پابند سلاسل ہیں جن میں350 بچے، 56 خواتین، 700 انتظامی قید، 12 ارکان پارلیمان اور 500 انتظامی قیدی شامل ہیں۔
