اسرائیلی وزیراعظم نیتن یاہو کے خلاف بدعنوانی کیسز میں اُن کا ایک قریبی ساتھی وعدہ معاف گواہ بننے پر تیار ہو گیا ہے۔
اسرائیلی میڈیا کے مطابق وزیراعظم کے خلاف حال ہی میں بدعنوانی کے دو نئے الزامات کے تحت تفتیش کرنے کا اعلان کیا گیا تھا۔
امکان ظاہر کیا جا رہا ہے کہ اس نئی پیش رفت کے بعد قبل از وقت انتخابات یا پھر نیتن یاہو کے مستعفی ہونے کا اعلان سامنے آ سکتا ہے۔
پولیس نے ابھی اس حوالے سے کوئی بھی تبصرہ کرنے سے انکار کیا ہے۔
