فلسطین کے مقبوضہ مغربی کنارے کے وسطی شہر رام اللہ کے مغرب میں النبی الصالح کے علاقے میں یہودی شرپسندوں نے اشعال انگیز نعروں کی چاکنگ اور دھمکی آمیز نعرے تحریر کیے جس کے بعد مقامی فلسطینی آبادی میں سخت خوف ہراس پایا جاتا ہے۔
مرکزاطلاعات فلسطین کے مطابق یہودی اشرار نے النبی الصالح میں رات کی تاریکی سے فائدہ اٹھا کر گھروں کی بیرونی دیواروں پر عرب، فلسطینی اور مسلمان مردہ باد کے نعرے تحریر کیے۔
مقامی سماجی کارکن محمد التمیمی نے بتایا کہ یہودی شرپسندوں نے رات کی تاریکی میں عربوں، فلسطینیوں اور مسلمانوں کےخلاف فلسطینیوں کےگھروں کی بیرونی دیواروں پر اشتعال انگیز نعروں کی چاکنگ کی۔
یہودی آباد کاروں کی طرف سے مقامی فلسطینی آبادی کو سنگین دھمکیاں بھی دی گئیں جس کے بعد فلسطینی شہری خوف کا شکار ہیں۔
