جنوبی افریقا کی معروف یونیورسٹی نے اسرائیل سے تمام تعلق ختم کردیا

افریقی ملک جنوبی افریقا کی ایک معروف یونیورسٹی تشوانی یونیورسٹی برائے ٹیکنالوجی نے اسرائیلی ریاست اور اس کے تمام اداروں اور تنظیموں سے ہر قسم کے تعلق کو ختم کرنے کا اعلان کردیا ہے۔

ادارے کے ترجمان پروفیسر راسیگن مہاراج نے افریقی خبر رساں ایجنسی افریقن نیوز ایجنسی سے بات کرتے ہوئے کہا کہ "تشوانی یونیورسٹی کی کونسل نے یہ فیصلہ کیا ہے کہ یونیورسٹی اسرائیلی ریاست یا اس کے کسی ادارے سے ہر قسم کا تعلق ختم کر دے گی۔”

تشوانی یونیورسٹی نے اس سے پہلے 7 دسمبر کو ایک بیان میں کہا تھا کہ "یونیورسٹی اس وقت تک اسرائیل کے کسی ادارے سے کوئی معاہدہ یا سائنسی شراکت داری کا مسودہ تحریر نہیں کرے گی جب تک اسرائیل مقبوضہ فلسطین پر جاری اپنا غیر قانونی تسلط ختم نہیں کردیتا ہے۔”