اسرائیل کے دارالحکومت تل ابیب میں منگل کے روز ہونے والے بم دھماکے کے نتیجے میں دو فلسطینی شہید اور ایک اسرائیلی کی ہلاکت کی اطلاعات ہیں۔
اسرائیلی پولیس کے مطابق یافا شہر میں علی الصباح ایک شاپنگ پلازے کے قریب زور دار دھماکہ ہوا جس کے نتیجے میں ایک عمارت زمین بوس ہو گئی۔
اسرائیلی پولیس کا کہنا ہے کہ موقع پر موجود دو افراد جاں بحق ہو گئے جب کہ ایک شدید زخمی کچھ بعد زخموں کی تاب نہ لاتے ہوئے دم توڑ گیا۔ دھماکے میں چار افراد زخمی بھی ہوئے ہیں جن کا علاج جاری ہے۔
اسرائیلی پولیس کے ترجمان نے بتایا کہ دھماکے میں ایک اسرائیلی ہلاک اور دو فلسطینی شہید ہوئے ہیں۔ ایک فلسطینی کا تعلق شمالی فلسطین کے الطیبہ شہر سے اور دوسرے کا غرب اردن سے ہے۔
پولیس نے واقعے کی تحقیقات شروع کر دی ہیں۔
