فلسطین کے دریائے اردن کے مغربی کنارے کے علاقوں میں گذشتہ شب اسرائیلی فوج نے گھر گھر تلاشی کی کارروائیوں کے دوران اسلامی تحریک مزاحمت ’حماس‘ کے ایک سرکردہ رہ نما سمیت کم سے کم 9 فلسطینیوں کو حراست میں لے لیا۔
مرکزاطلاعات فلسطین کے مطابق غرب اردن میں قائم الجلزون پناہ گزین کیمپ میں چھاپے کے دوران حماس رہ نما الشیخ باجس نخلہ کو حراست میں لے لیا۔
اسرائیلی فوج نے کیمپ کا محاصرہ کرکے کئی گھنٹے تک فلسطینیوں کے گھروں کی تلاشی کا سلسلہ جاری رکھا۔ اس دوران قابض فوج کے کئی اہلکار الشیخ باجس نخلہ کے گھر میں گھس گئے۔ گھر کی جامہ تلاشی لینے کے بعد الشیخ نخلہ کو حراست میں لے کر نامعلوم مقام پر منتقل کردیا۔
ادھر غرب اردن کے علاقے کفر مالک سے شہید مروان القواسمہ کے دو قرینی رشتہ داروں احمد ابو جمیل اورایک دوسرے فلسطینی کو حراست میں لے لیا۔
رام اللہ میں سلواد کے مقام سے قابض فوج نےعبدالرحیم بسام حماد کو حراست میں لیا۔ بسام حماد کا ایک بھائی انس حماد صہیونی فوج پر فدائی حملے میں شہید ہوچکا ہے۔
ادھر قابض فوج نے ایک دوسرے فلسطینی نوجوان نعمان حامد کو اس کے گھر سے اٹھا کر غائب کردیا ہے۔
