لبنان نے اپنی فضائی حدود کی خلاف ورزی اور غیرقانونی طور پر جنگی طیاروں پر شام میں بمباری کے لیے لبنان کی فضاء سے گذارنے پر بیروت نے اقوام متحدہ میں صہیونی ریاست کے خلاف احتجاج کیا ہے۔
مرکزاطلاعات فلسطین کے مطابق اقوام متحدہ میں لبنان کے مستقل مندوب جبرال باسل نے سلامتی کونسل میں شکایت دائر کی ہے جس میں صہیونی ریاست کی جانب سے لبنان کی فضائی حدود کی خلاف ورزی پر احتجاج کے ساتھ اقوام متحدہ سے اس کی تحقیقات کا مطالبہ کیا گیا ہے۔
لبنانی حکومت نے اپنے موقف میں واضح کیا ہے کہ ان کی ملک کی فضائی حدود کی خلاف ورزی لبنان کی خود مختاری کو خطرے میں ڈالنے کی کوشش ہے۔
خیال رہے کہ تین روز قبل اسرائیل کے جنگی طیاروں نے لبنان کی فضائی حدود سے گذر کر شام میں ایک اسلحہ فیکٹری پر بمباری کی تھی جس کے نتیجے میں دو افراد ہلاک اور کئی عمارتیں تباہ ہوگئی تھیں۔
لبنان نے شام میں بمباری کے لیے اپنی فضائی حدود کو بغیر اجازت استعمال کرنے کی تحقیقات کا مطالبہ کرتے ہوئے کہا ہے کہ سلامتی کونسل اسرائیل کو لبنان کی فضائی خود مختاری کے تحفظ کا پابندی بنائے اور آئندہ کے لیے اس طرح کی کارروائیوں سے سختی سے روکے۔
