اسرائیلی وزارت انصاف نے فلسطین کے مقبوضہ مغربی کنارے کے جنوبی شہر بیت لحم میں فلسطینیوں کی سیکڑوں اراضی یہودی آباد کاروں کی ملکیت قرار دے کران کے حوالے کر دی ہے۔
مرکزاطلاعات فلسطین کے مطابق بیت لحم میں مزاحمت یہودی آباد کاری کمیٹی کے مندوب حسن بریجیہ نے بتایا کہ اسرائیلی وزارت انصاف نے کل منگل کو فلسطینیوں کی 876 دونم اراضی یہودیوں ملکیت قرار دے کران کے حوالے کردی۔
ان کا کہنا ہے کہ یہودیوں کی ملکیت قرار دی گئی فلسطینی اراضی ’عتصیون‘ یہودی کالونی کے قریب واقع ہے جس پر ’عصیونہ‘ نامی یہودی توسیع پسندی میں ملوث کمپنی کا قبضہ ہے۔ فلسطینیوں کا کہنا ہے کہ یہودیوں کی ملکیت قرار دی گئی اراضی کے مالکانہ حقوق کے لیے 18 سال سے فلسطینیوں اور صہیونی انتظامیہ کے درمیان کشمکش جاری ہے۔
