سوڈان کی وزارت خارجہ نے کہا ہے کہ ان کا ملک یا عوام امریکا کی قومی سلامتی کے لیے کسی قسم کا خطرہ نہیں بلکہ خرطوم امریکا کے ساتھ کئی شعبوں میں باہمی تعاون بھی جاری رکھے ہوئے ہے۔ امریکی سیکیورٹی ادارے سوڈان کی طرف سے ملنے والے تعاون کے گواہ ہیں۔
مرکزاطلاعات فلسطین کے مطابق سوڈانی سیکرٹری خارجہ عبدالغنی العنیم ایک بیان میں کہا کہ ان کی حکومت امریکا کی سالمیت اور خود مختاری کا احترام کرتی ہے۔ ہم امریکی قومی سلامتی کےمحافظ ہیں۔ اس کے ساتھ ساتھ ہم یہ بھی واضح کرنا چاہتے ہیں کہ سوڈان کے عوام بھی امریکی سلامتی کے لیے خطرہ نہیں۔
سوڈانی سیکرٹری خارجہ کا کہنا تھا کہ امریکا میں مقیم سوڈانی شہری کسی قسم کے جرائم، تشدد، انتہا پسندی یا دہشت گردی میں ملوث نہیں بلکہ سوڈانی شہریوں نے امریکا کی تعمیر وترقی میں اہم کردار ادا کیا ہے۔
انہوں نے کہا کہ امریکا اور سوڈان کے درمیان ثمر آور قدرتی تعلقات قائم ہیں۔ خاص طور اب سوڈانی شہریوں نے امریکا کی تعمیرو ترقی، امن وامان اور استحکام کے لیے غیرمعمولی خدمات انجام دی ہیں۔
النعیم نے کہا کہ سوڈان نے علاقائی سلامتی کے لیے امریکا کے ساتھ مل کر کام کیا۔ ائندہ بھی واشنگٹن کے ساتھ ہرممکن تعاون جاری رہے گا۔
