اسرائیلی حکام نے فلسطین کے علاقے غزہ کی پٹی سے تعلق رکھنے والے شہری ایوب امین عبدالغنی کو چھ سال بعد جیل سے رہا کردیا۔
مرکزاطلاعات فلسطین کے مطابق 25 سالہ عبدالغنی عطا اللہ کی رہائی گذشتہ روز عمل میں لائی گئی۔ رہائی کے بعد وہ غزہ کئ شمالی علاقے بیت حانون میں اپنی رہائش گاہ پہنچ گئے۔
مرکزاطلاعات فلسطین کے القدس شہداء اسیران فاؤنڈیشن کی طرف سے جاری کردہ بیان میں کہا گیاہے کہ عطاء اللہ کو 03 جولائی 2011ء کو حراست میں لیا گیا تھا۔ اس کی گرفتاری بیرون ملک علاج کےبعد غزہ واپسی کے موقع پر بیت حانون گذرگاہ سے عمل میں لائی گئی تھی۔
گرفتاری کے بعد عبدالغنی عطا اللہ کو چھ سال قید کی سزا سنائی گئی تھی۔ اس پر اسلامی جہاد سے تعلق اور اسرائیل کے خلاف مزاحمتی کارروائیوں میں ملوث ہونے کا الزام عاید کیا گیا تھا۔
