فلسطینی سایران کی طرف سے سترہ اپریل سے اجتماعی بھوک ہڑتال کے اعلان کے بعد صہیونی ریاست نے اسیران کے ساتھ ان کے اقارب کی ملاقاتوں پرپابندی عاید کردی ہے۔
فلسطینی اسیران کے اقارب نے مرکزاطلاعات فلسطین کو بتایا کہ صہیونی جیل انتظامیہ نے تمام جیلوں میں فلسطینی قیدیوں سے ملاقاتوں پر پابندی عاید کردی ہے۔
ڈاکٹر فرید ابو ضھیر نے ہمارے نامہ نگار کو بتایا کہ ریڈ کراس کی طرف سے انہیں بتایا گیا ہے کہ وہ اپنے اسیر بیٹے براء سے تا اطلاع ثانی ملاقات نہیں کرسکتے کیونکہ اسرائیلی انتظامیہ نے قیدیوں کی اجتماعی بھوک ہڑتال کے بعد اسیران سے ان کے اقارب کی ملاقاتوں پر غیر معینہ مدت تک کے لیے پابندی عاید کردی ہے۔
قبل ازیں یہ اطلاعات آئی تھیں کہ صہیونی جیل انتظامیہ نے فلسطینی اسیران کے وکلاء کو ان سے ملنے سے روک دیا ہے۔
