اسرائیلی فوج نے فلسطین کے مقبوضہ مغربی کنارے کے جنوبی شہر بیت لحم میں ایک گھر سے اسلحہ برآمد کرنے کا دعویٰ کیا ہے اور کہا ہے کہ فوجیوں نے گھر کے مالک کو بھی گرفتار کرلیا ہے۔
مرکزاطلاعات فلسطین کےمطابق اسرائیلی پولیس کی طرف سے جاری کردہ ایک بیان میں کہا گیاہے کہ فورسزنے غرب اردن کے شہر بیت لحم میں ایک مکان پر چھاپہ مارا جہاں تلاشی کی کارروائی کے دوران دو بندوقیں اور دھماکہ خیز مواد کی کچھ مقدار برآمد کی گئی ہے۔ اسرائیلی فوجیوں نے مکان سے ایک 20 سالہ فلسطینی لڑکے کو بھی حراست میں لیا ہے جسے تفتیش کے لیے نامعلوم مقام پر منتقل کردیا گیا ہے۔
مقامی ذرائع ابلاغ کے مطابق کل سوموار کو اسرائیلی فوج نے غرب اردن اور بیت المقدس سے 23 فلسطینیوں کو حراست میں لینے کے بعد حراستی مراکز منتقل کیا ہے۔
