اسرائیل کے عبرانی ٹی وی نے انکشاف کیا ہے کہ اسرائیلی کنیسٹ میں فلسطین میں یہودی آباد کاری کو قانونی تحفظ دینے کی سفارش پرمبنی مسودہ قانون پر اپوزیشن کی جانب سے 200 اعتراضات سامنے آئے ہیں۔
عبرانی ٹی وی 7 نے اپنی رپورٹ میں بتایا ہے کہ ’کنیسٹ‘ نے یہودی کالونیوں کو آئینی تحفظ دینے مجوزہ کی منظوری آئندہ سوموار تک ملتوی کردی ہے۔ ٹی وی رپورٹ کے مطابق گذشتہ روز اسرائیلی کنیسٹ میں یہودی کالونیوں سے متعلق بل کی منظوری کا اعلان کیا گیا تھا مگر بعد میں کنیسٹ نے اس بل پرسامنے آنے والے اعتراضات کے پیش نظر بل کی منظوری ایک ہفتے کے لیے ملتوی کردی۔
اخباری اطلاعات کے مطابق اسرائیلی حکومت کی جانب سے کنیسٹ میں پیش کیے گئے بل پر اپوزیشن جماعتوں بالخصوص کنیسٹ میں عرب کمیونٹی کے نمائندہ سیاسی اتحاد نے درجنوں اعتراضات کیے ہیں۔ ان ٹھوس اعتراضات کی تعداد 200 بتائی جاتی ہے۔
ٹی وی رپورٹ میں بتایا گیا ہے کہ یہودی کالونیوں کے دفاع اور انہیں قانونی شکل دینے کے لیے پیش کردہ بل پر کل جمعرات تک بحث جاری رہے گی۔ اس کے بعد اسے آئندہ سوموار تک کے لیے موخر کردیا جائے گا۔
رپورٹ کے مطابق اپوزیشن نے کنیسٹ سے مطالبہ کیا ہے کہ وہ یہودی کالونیوں کے قانونی تحفظ کے بل کو 38 دن کے لیے موخر کرے تاہم کنیسٹ نے اپوزیشن کی تجویز مسترد کردی ہے۔ آئندہ سوموار کو بل پردوسری اور تیسری رائے شماری کی جائے گی۔ پہلی رائے شماری یہ میں یہ بل منظور ہوچکا ہے۔
