فلسطین کے سنہ 1948ء کے مقبوضہ فلسطینی علاقے تل الربیع[تل ابیب] میں دو مسلح گروپوں کے درمیان لڑائی کے نتیجے میں کم سے کم دو صہیونی ہلاک اور دو زخمی ہوگئے۔ اسرائیلی پولیس نے واقعے کو دو مافیا کے درمیان تصادم کا نتیجہ قرار دیا ہے۔
عبرانی نیوز ویب پورٹل ’’0404‘‘ نے اپنی رپورٹ میں بتایا ہے کہ دو گروپوں کے درمیان فائرنگ کے تبادلے کا واقعہ تل ابیب کی ایک مصروف شاہراہ پر پیش آیا۔ فائرنگ کے نتیجے میں دو اسرائیلی ہلاک اور دو زخمی ہوئے ہیں۔ اسرائیلی پولیس نے فوری طور پرجائے وقوعہ پر پہنچ کر زخمیوں اور ہلاک ہونے والیوں کی لاشیں اسپتال منتقل کیں اور واقعے کی تحقیقات شروع کردی ہیں۔
پولیس کا کہنا ہے کہ فائرنگ کا واقعہ دو جرائم پیشہ گروپوں کے درمیان ہوا۔ جس میں دو صہیونی گروپ ملوث تھے۔
