اسرائیلی فوج کی جانب سے فلسطین کے مقبوضہ مغربی کنارے کے مختلف شہروں میں گھر گھر تلاشی اور وحشیانہ کریک ڈاؤن کے دوران کم سے کم 27 فلسطینیوں کو حراست میں لے لیا گیا ہے گرفتار کئے جانے والے شہریوں میں ایک صحافی بھی شامل ہیں۔
اسرائیل کےعبرانی ریڈیو کی طرف سے نشرکردہ ایک رپورٹ میں بتایا گیا ہے کہ گرفتار کیے گئے فلسطینیوں میں اسلامی تحریک مزاحمت ’حماس‘ کے معاونین اور حمایتی شامل ہیں۔
عبرانی نیوز ویب پورٹل ’’ وللا‘‘ کے مطابق گرفتار کیےگئے تمام فلسطینیوں کو تفتیش کے لیے نامعلوم مقامات پر منتقل کیا گیا ہے۔ ان میں بعض فلسطینی اسرائیلی فوج کو پہلے ہی سے مطلوب تھے۔
رپورٹ کے مطابق گذشتہ جمعہ کے روز سے فلسطین کے غرب اردن میں پیدا ہونے والی کشیدگی کے بعد اسرائیلی فوج کی طرف سے کریک ڈاؤن میں شدت پیدا کی گئی ہے۔
اطلاعات کے مطابق منگل کےروز اسرائیلی فوج نے جنین شہر میں ایک چھاپے کے دوران فلسطینی صحافی مصعب قاسم زیود کو ان کے گھر سے گرفتار کیا گیا۔
مرکزاطلاعات فلسطین کے مطابق صہیونی فوج اور انٹیلی جنس حکام کے دسیوں اہلکاروں نے مغربی جنین میں السیلہ الحارثیہ کے مقام پر واقع فلسطینی صحافی قاسم زیود کے گھر پر چھاپہ مارا گیا۔
قاسم زیود اخبار ’’دنیا الوطن‘‘ کے نامہ نگار اور ’’رام اللہ میکس‘‘ ویب سائیٹ کے نامہ نگار ہیں اور ان کا شمار جنین گورنری کے اہم ترین سماجی کارکنوں میں ہوتا ہے۔
