اسرائیلی فوج سے فرار میں اضافہ

اسرائیلی فوج میں مرد سپاہیوں کے فرار کی طرح خواتین فوجی اہلکاروں کی فوجی خدمات سے بھاگنے کے واقعات میں بھی اضافہ ہو رہا ہے-
اسرائیلی اخبار ’’معاریف‘‘ کی رپورٹ کے مطابق رواں سال کے گیارہ ماہ میں 60 خواتین فوجی خدمات سے راہ فرار اختیار کرگئیں- خواتین کے فوجی خدمات چھوڑنے کا پہلا واقعہ 2004ء میں پیش آیا جب 38 خواتین نے راہ فرار اختیار کی- بعد ازاں فوج سے فرار کے رجحان میں تسلسل آیا- 2005ء میں 50 جبکہ 2006ء میں یہ تعداد سالانہ 80 سے تجاوز کرگئی-
رپورٹ کے مطابق 2004ء میں 1288 خواتین نے بھاگنے کی کوشش کی- 2005ء میں 1450، 2006ء میں 1386 جبکہ رواں سال اب تک 906 خواتین نے فوجی خدمات چھوڑنے کی ناکام کوشش کرچکی ہیں- گزشتہ چند برسوں میں مجموعی طور پر کل 1873 مرد و خواتین بھاگنے میں کامیاب ہوئے- جن میں 800 بیرون ملک فرار ہوئے-