گذشتہ روز فلسطین کے مقبوضہ مغربی کنارے کے وسطی شہر رام اللہ میں 21 سالہ مجاھد مالک احمد موسیٰ حامد نے فدائی حملے میں ایک صہیونی فوجی کو ہلاک اور دو کو شدید زخمی کردیا۔ جوابی کارروائی میں حامد نے بھی جام شہادت نوش کیا ہے۔
مرکزاطلاعات فلسطین کے مطابق شہید فدائی فلسطینی کا تعلق رام اللہ کے نواحی علاقے سلواد سے ہے۔ حامد کے فدائی حملے نے تحریک انتفاضہ اور صہیونی فوج پر گاڑیوں کے ذریعے حملے کی روح ایک بار پھر زندہ کردی ہے۔ سال 2017ء کے بعد سے اب تک فدائی حملوں میں سات صہیونی فوجی جہنم واصل ہوچکے ہیں۔
سال 2017ء کے دوران فلسطینی مجاھدین کی طرف سے صہیونی فوج پر کئی فدائی حملے کیے جن میں 4 صہیونی بیت المقدس میں فادی قنبر کےٹرک کی ٹکر سے ہلاک ہوئے۔
ایک اسرائیلی پولیس اہلکار ام الحیران قصبے میں یعقوب ابو القیعان کی گاڑی تلے کچل کر ہلاک ہوا جب کہ ایک اسرائیلی فوجی سنہ 2014ء کی غزہ جنگ میں شدید زخمی ہوا تھا جو حال ہی میں ہلاک ہوگیا۔
