لبنانی ٹی وی نےفلسطینی مزاحمت اور دہشت گردی کو یکساں قرار دیا
بدھ-4-جنوری-2017
لبنان سے عربی میں نشریات پیش کرنے والے ’ایل بی سی‘ ٹی وی چینل پرنشر کی گئی ایک رپورٹ میں صہیونی ریاست کے غاصبانہ قبضے کے خلاف فلسطینی قوم کی جدو جہد آزادی کو ’دہشت گردی‘ کی کارروائیوں کے مماثل قرار دیا ہے۔ دوسری جانب اسلامی تحریک مزاحمت ’حماس‘ نے لبنانی ٹی وی چینل کے اقدام کی شدید مذمت کرتے ہوئے کہا ہے کہ ٹی وی چینل چینل نے ریٹنگ کی دوڑ میں بنیادی صحافتی اصولوں کو بھی پامال کر دیا ہے۔
