اسرائیلی فوج کے ہاتھوں تین ماہ میں 1300 فلسطینی گرفتار
پیر-12-اپریل-2021
فلسطینی مرکز برائے امور اسیران کی طرف سے جاری ایک رپورٹ میں بتایا گیا ہے کہ رواں سال 2021ء کے پہلے تین ماہ میں قابض صہیونی فوج نے 1300 فلسطینیوں کو گرفتار کرکے پابند سلاسل کیا ہے۔ رپورٹ میں کہا گیا ہے کہ گرفتار ہونے والے فلسطینی تمام شعبہ ہائے زندگی سے تعلق رکھتے ہیں تاہم سب سے زیادہ گرفتاریاں مذہبی جماعتوں کے رہ نمائوں اور کارکنوں کی گئی ہیں۔ کریک ڈائون میں اضافہ اس وقت ہوا جب فلسطین میں پارلیمانی انتخابات کا اعلان کیا گیا۔
