‘غیرقانونی جنگجو’ ۔۔عالمی قوانین کی خلاف ورزی کا نیا صہیونی حربہ!
اتوار-12-جنوری-2020
قابض صہیونی ریاست اور اس کے ماتحت سیکیورٹی، فوجی اور قانونی اداروں کی طرف سے فلسطینیوں کے خلاف منظم جرائم کے حوالے سے عالمی برادری کی آنکھوں میں دھول جھونکنے اور عالمی برادری کو گمراہ کرنے کے لیے طرح طرح کے حیلے بہانے تراشے جاتے ہیں۔ ان نام نہاد بہانوں اور جوازوں کی آڑ میں فلسطینی شہریوں اورجیلوں میں قید فلسطینیوں کے حقوق کی پامالیاں کی جاتی ہیں۔ فلسطینیوں کے خلاف جرائم اور سیاہ کاریوں کو مختلف خوش نما اصطلاحات کے پردے میں دنیا کے سامنے پیش کرکے اسرائیلی ریاست اپنے جرائم چھپانے اور فلسطینیوں کوقصور وار قرار دیتے ہیں۔
