اسرائیلی فوج کے رات کو چھاپے، گھروں میں سوئے20 فلسطینی اٹھا لیے
جمعرات-2-مارچ-2017
قابض صہیونی فورسز نے بدھ اور جمعرات کی درمیانی شب فلسطین کے مقبوضہ مغربی کنارے کے مختلف شہروں میں گھر گھر تلاشی کی کارروائیوں کے دوران گھروں میں سوئے 20 فلسطینیوں کو اٹھا کر حراستی مراکز منتقل کردیا ہے۔ تلاشی کی کارروائیوں کی آڑ میں قابض صہیونی فوج نے گھروں میں گھس کر لوٹ مار کی اور قیمتی سامان، نقدی اور طلائی زیورات لوٹ لیے۔مرکزاطلاعات فلسطین کے مطابق قابض فورسز نے غرب اردن کے جنوبی شہر الخلیل میں بیت عوا کے مقام پر تلاشی کے دوران تین فلسطینیوں کو ان کے گھروں سے اٹھا لیا۔مرکز کے نامہ نگار نے بتایا کہ اسرائیلی فوج کی آٹھ جیپوں نےمقامی وقت کے مطابق رات ایک بجے بیت عوا میں چھاپہ مارا اور گھروں میں سوئے تین فلسطینیوں عمر مسالمہ، غازی فاروق اور عالی عارف سویطی کو ہتھکڑیاں لگا کر انہیں کسی نامعلوم مقام پر منتقل کردیا ہے۔جنوبی الخلیل شہر میں اسرائیلی فوج نے متعدد گھروں پر چھاپے مارے۔ الظاھریہ قصبے میں شہید فلسطینی سعد قیسیہ کے گھر پر چھاپے کے علاوہ اطراف میں بھی گھر گھر تلاشی کے دوران توڑپھوڑ کی گئی۔خیال رہے کہ سعد قیسیہ کو کل اسرائیلی فوج نے ایک یہودی آباد کار پر چاقو کےحملے کے ا
