’ذلت آمیز پابندیوں کے سامنے جھک کر قبلہ اول میں نہیں جائیں گے‘
منگل-18-جولائی-2017
فلسطینی محکمہ اوقاف کے ڈائریکٹر جنرل الشیخ عزام الخطیب نے قبلہ اول کے بیرونی راستوں پر الیکٹرانک گیٹ کی تنصیب کو فلسطینیوں کی توہین قرار دیتے ہوئے مسترد کردیا ہے۔ ان کا کہنا ہے کہ فلسطینی اسرائیل کی ذلت آمیز پابندیوں کے سامنے جھک کر قبلہ اول میں نہیں جائیں گے۔ انہوں نے اسرائیلی حکومت سے مطالبہ کیا کہ وہ مسجد اقصیٰ کے راستوں پر لگائے گئے نام نہاد میٹل ڈیٹکٹر فوری طور پرہٹائے تاکہ فلسطینی شہری آزادنہ اور باعزت انداز میں مقدس مقام میں عبادت کے لیے داخل ہو سکیں۔
