ایہود اولمرٹ امن کے چیمپیئن اور میرے دوست ہیں: محمود عباس

بدھ-12-فروری-2020

فلسطینی اتھارٹی کے سربراہ محمود عباس نے سابق اسرائیلی وزیراعظم ایہود اولمرٹ کے ہمراہ ایک پریس کانفرنس سے کہا کہ ہم مستقل بنیادوں پر دوبارہ تشدد اور افراتفری کی طرف واپس نہیں جانا چاہتے۔

یورو مڈ کا سوئس حکومت سے اسرائیلی دبائو کو نظر انداز کرنے کا مطالبہ

ہفتہ-7-ستمبر-2019

انسانی حقوق کی ایک یورپی تنظیم نے سوئس پارلیمنٹ سے مطالبہ کیا ہے کہ وہ اسرائیل کے دباؤ کا جواب نہ دے تاکہ صہیونی ریاست سوئس پارلیمنٹ میں قانون سازی پر اثرانداز ہونے میں کامیاب نہ ہوسکے۔

گرفتاری کا خوف ایہود اولمرٹ نے سوئٹرزلینڈ کا دورہ منسوخ کر دیا

ہفتہ-27-جولائی-2019

اسرائیل کے عبرانی ذرائع ابلاغ کے مطابق سابق وزیراعظم ایہود اولمرٹ نے گرفتاری اور جنگی جرائم کی تحقیقات کے‌خوف سے سوئٹرزلینڈ کا دورہ منسوخ کردیا۔عبرانی اخبار'یدیعوت احرونوت' کا کہنا ہے کہ ایہود اولمرٹ نے وزارت قانون اور وزارت خزارجہ کی طرف سے ملنے والی ہدایات کے بعد اپنا دورہ سوئٹرزلینڈ منسوخ کیا۔ ان پر سنہ 2008ء میں بہ طور وزیراعظم فلسطین کے علاقے غزہ کی پٹی پر جنگ مسلط کرنے اور نہتےفلسطینیوں کے خلاف جنگی جرائم میں ملوث ہونے کا الزام عاید کیاجاتا ہے۔عبرانی اخبار کے مطابق اسرائیلی وزرات قانون اور وزارت خارجہ کو سوئس حکام کی طرف سے پیغام بھیجا گیا تھا کہ ایہود اولمرٹ کو جنگی جرائم میں ملوث ہونے کے الزامات کے تحت حراست میں لیا جاسکتا ہے۔ایہود اولمرٹ اور دونوں‌وزارتوں کے اعلیٰ حکام کے درمیان اس دورے کے حوالے سےطویل بات چیت ہوتی رہی ہے۔وزارت خارجہ اور وزارت قانون نے ایہود اولمرٹ سے کہا کہ ان کا دورہ سوئٹرزلینڈ اسرائیل کے لیے پریشانی کا موجب بن سکتا ہے۔ اس لیے وہ اپنا دورہ منسوخ کریں۔

’اولمرٹ قاتل اور دہشت گرد، اس کی تحسین فلسطینی قوم کی توہین ہے‘

پیر-24-ستمبر-2018

’محمود کی طرف سے فلسطینیوں کے قاتل ایہود اولمرٹ کی تحسین اور تعریف قوم کی توہین کے مترادف ہے۔ اولمرٹ ایک دہشت گرد ہے اور اس کی تحسین کرنے والے قوم کے خیر خواہ نہیں‘۔ یہ کہنا ہے فلسطینی پارلیمنٹ کے رکن اور طولکرم سے تعلق رکھنے والے مقامی فلسطینی رہ نما فتحی القرعاوی کا۔ ان کا کہنا ہے کہ ایہود اولمرٹ فلسطینی قوم کا بدترین دشمن اور قاتل ہے۔ صدر محمود عباس کی طرف سے اس کی تعریف توصیف فلسطینی قوم کی توہین کے مترادف ہے۔

جنگ سے غزہ کی پٹی کا مسئلہ حل نہیں ہوگا: ایہود اولمرٹ

اتوار-22-جولائی-2018

سابق اسرائیلی وزیراعظم کا کہنا ہے کہ غزہ کی پٹی پر جنگ مسلط کرنے کی باتیں احمقانہ ہیں۔ جنگ سے غزہ کا مسئلہ حل نہیں ہوگا۔ اگر جنگ مسلط کی گئی تو حالات دوبارہ صفر پر چلے جائیں گے۔

اولمرٹ کی معافی اورنام مجرموں کی فہرست سے نکالنے کی اپیل

بدھ-11-اپریل-2018

اسرائیلی اخبارات کے مطابق سابق وزیراعظم ایہود اولمرٹ نے باضابطہ طور پر صدر مملکت روف ریفلین کو ایک درخواست دی ہے جس میں ان سے اپیل کی گئی ہے کہ وہ ان کے سابقہ قصور معاف کرتے ہوئے ان کا نام مجرموں کی فہرست سے نکالنے کا حکم جاری کریں۔