جعلی یہودی قبروں سےقبلہ اول کا گھیراؤ کرنے کی صہیونی سازش
پیر-1-مئی-2017
غاصب اسرائیلی حکومت کی جانب سے فلسطینی اراضی پر غاصبانہ قبضے کی جاری منظم مہمات کے ساتھ ساتھ یہودی آباد کار اور انتہا پسند تنظیمیں بھی اس مکروہ حربے میں کسی سے پیچھے نہیں ہیں۔ ارض فلسطین میں چپے چپے پر یہودیوں کو بسانے کی مذموم مہمات کے ساتھ ساتھ کئی دوسرے حربے بھی اراضی ہتھیانے کے لیے استعمال کیے جا رہے ہیں۔ انہی مجرمانہ حربوں میں ایک منظم ہتھکنڈہ فلسطینی زمین پر جعلی قبرستانوں کا قیام بھی ہے۔ یہ جعلی قبرستان صرف فلسطینی اراضی غصب کرنے کے لیے بنائے جا رہے ہیں۔ مسلمانوں کا قبلہ اول کہلانے والی مسجد اقصیٰ پورے فلسطین میں سب سے حساس مقام ہے اور صہیونیوں کی نظریں بھی اسی مقدس مقام کا گھیراؤ کرنے پر مرکوز ہیں۔ چنانچہ مسجد اقصیٰ کے اطراف واکناف میں جا بہ جا جعلی قبروں کی بھرمار ہے۔
