’گوگل‘ کاکمال، رام اللہ فلسطین اورالقدس صہیونی ریاست کادارالحکومت قرار

جمعہ-30-ستمبر-2016

عالمی شہرت یافتہ سرچ انجن ’’گوگل‘‘ کی طرف سے فلسطین کے جغرافیائی اور تاریخی ثقافتی حقائق کی جعل سازی کا ایک خوفناک اسکینڈل سامنے آیا ہے۔ فلسطینی سماجی حلقوں کی طرف سے جاری کردہ بیانات میں بتایا گیا ہے کہ گوگل کی ایپلیکشنز میں جعل سازی کرتے ہوئے فلسطین کے مقبوضہ مغربی کنارے کے وسطی شہر رام اللہ کو فلسطینی ریاست کا دارالحکومت اور بیت المقدس کو صہیونی ریاست کا دارالخلافہ قرار دیا گیا ہے۔ نیز مسجد اقصیٰ اور عیسائیوں کے کنیسہ القیامہ سمیت تمام مقدس مقامات کو اسرائیل کے مقدس مقامات کے طور پر دکھایا گیا ہے۔

فدائی حملوں کی کوشش کا الزام،چھ شہری رام اللہ اتھارٹی کی جیلوں میں قید

جمعرات-4-اگست-2016

اسرائیلی فوج کی طرح فلسطینی اتھارٹی کے نام نہاد سیکیورٹی ادارے بھی نہتے شہریوں کو گرفتار کر کے ان پر فدائی حملوں کی منصوبہ بندی کے الزام میں مقدمات چلانے کی راہ پر چل پڑے ہیں۔ ایک رپورٹ میں انکشاف کیا گیا ہے کہ فلسطینی اتھارٹی کی جیلوں میں چھ فلسطینی قید کیے گئے ہیں جن پر اسرائیلی تنصیبات پر حملوں اور فدائی کارروائیوں کی منصوبہ بندی کا الزام عاید کیا گیا ہے۔