اسرائیل کی مجیدو جیل میں قید آٹھ فلسطینی اسیران کو کئی ماہ سے سخت ترین حالات میں مقید رکھا گیا ہے۔
فلسطینی کمیشن برائے اسیران و سابق اسیران کے مطابق اسرائیلی جیلوں میں مقید عماد البطرن، عرفات ارفاعیہ ، وائل نعیرات، وائل الجغوب، محمود عطاء، عماد سرحان، مصعب آلیان اور غالب غنائم کو کئی ماہ سے علاحدہ کال کوٹھڑی میں ڈال رکھا ہے۔
ان آٹھ اسیران میں سے کئی کو مہینوں اور دیگر کو سالوں سے اپنے خاندان سے ملنے کی اجازت نہیں ہے۔
ان تمام اسیران کو چھوٹی چھوٹی کوٹھڑیوں میں قید رکھا گیا ہے جن میں ہوا اور روشنی کا گزر نہیں ہوتا۔
