فلسطین کے علاقے غزہ کی پٹی پر گذشتہ روز اسرائیلی فوج کی وحشیانہ بمباری کے نتیجے میں اجتماعی طور پر شہید ہونے والے 21 فلسطینی شہدا کی اجتماعی تدفین کی گئی۔
مرکزاطلاعت فلسطین کے مطابق ان فلسطینیوں کو غزہ میں ‘شاہراہ الوحدہ’ کے قریب وحشیانہ بمباری کے دوران شہید کیا گیا تھا۔
شہید ہونے والے فلسطینیوں میں زیادہ تر’الکولک’ خاندان کے فلسطینی تھے جن کے جسد خاکی غزہ کے الشفا میڈیکل کمپلیکس سے وسطی غزہ میں مسجد العمری سے ملحقہ قبرستان منتقل کیا گیا۔
نماز جنازہ میں ہزاروں فلسطینیوں نے شرکت کی۔ فلسطینی شہری جنازوں کے جلوس کے ساتھ شاہراہ عمرالمختار سے گذرے۔ شرکا مشتعل اور سخت غصے میں تھے اور دشمن ملک کے خلاف انتقام انتقام کے نعرے لگا رہے تھے۔
