قابض اسرائیلی فوج نے گذشتہ روزمقبوضہ بیت المقدس میں شعفاط پناہ گزین کیمپ میں فلسطینی اسکول کے طلبا پرآنسوگیس کی شیلنگ کی۔
مقامی فلسطینی ذرائع کے مطابق اسرائیلی فوج کی بھاری نفری نے شعفاط کیمپ ٍکامحاصرہ کیا اور آنسوگیس کی شیلنگ کی جس کے نتیجے میں متعدد فلسطینی بچے زخمی ہوگئے۔
اسرائیلی فوج کی فائرنگ سے متعدد فلسطینی زہریلی گیس سے دم گھٹنے سے متاثر ہوئے۔ اس دوران فلسطینی شہریوں اور اسرائیلی فوج کے درمیان جھڑپیں بھی ہوئیں۔
خیال رہے کہ شعفاط کیمپ پراسرائیلی فوج کی روزانہ کی بنیاد پر مسلسل چھاپہ مار کارروائیوں کے نشانے پر ہے۔اسرائیلی ریاست کی طرف سے فلسطینیوں کے خلاف کریک ڈاؤن مہم اور فلسطینیوں کے مکانات کی مسماری جیسے جرائم روز کا معمول ہیں۔
