فلسطینی بچوں کے خلاف اسرائیلی خلاف ورزیوں اور جرائم کی نگرانی کرنے والی انسانی حقوق کی تحریک کے اعداد و شمار سے پتہ چلتا ہے کہ اس سال کے آغاز سے اب تک 15 فلسطینی بچے اسرائیلی فوج کی گولیوں سے شہید ہو چکے ہیں۔
ڈیفنس فار چلڈرن انٹرنیشنل نےاپنی رپورٹ میں بتایا کہ ان شہداء میں سے آخری بچہ محمد امجد دعدس (15 سال) جو عسکر کیمپ کا رہائشی تھا۔ اسے نابلس میں (مقبوضہ مغربی کنارے کے شمال میں) کے مشرق میں واقع گاؤں دیر الحطب میں شہید کیا گی۔
جمعہ کے روز قابض فوج کے ساتھ جھڑپوں کے دوران ایک اسرائیلی سنائپر نے اسرائیلی بستیوں کے فائدے کے لیے فلسطینی اراضی کی چوری کےخلاف احتجاج کے دوران براہ راست گولی مار کر شہید دعدس کو نشانہ بنایا۔
ڈیفنس فار چلڈرن انٹرنیشنل کی فلسطینی شاخ نے بتایا کہ گذشتہ جون میں دو بچوں احمد بنی شمسہ (15 سال) اور محمد حمائل (16 سال) کو قابض فوج نے نابلس کے جنوب میں واقع قصبے بیتا میں ہونے والی جھڑپوں کے دوران گولی مار کر شہید کردیا تھا۔ .
قابل ذکر ہے کہ اسرائیلی قبضے نے نابلس کے جنوب میں واقع علاقے کو مزید فلسطینی اراضی کی چوری کے ذریعے نشانہ بنایا ہے، جس کا مقصد موجودہ بستیوں کو وسعت دینا اور نئی آبادیاں قائم کرنا ہے۔
فلسطینیوں کے اعداد و شمار کے مطابق مغربی کنارے میں اسرائیلی بستیوں اور چوکیوں کی تعداد 419 ہے، جن میں 913000 آباد کار آباد ہیں، جن میں سے 350000 مشرقی بیت المقدس میں رہتے ہیں۔
