اسلامی تحریک مزاحمت "حماس” نے یورپی یونین کی جانب سے "اسرائیل” کے ساتھ دنیا کے سب سے بڑے سائنسی تحقیقی پروگرام میں شمولیت کے لیے "Horizon Europe” کے معاہدے پر دستخط کرنے کی مذمت کی ہے۔
حماس نے بدھ کے روز ایک پریس بیان میں کہا کہ پروگرام سے مغربی کنارے، القدس اور مقبوضہ شامی وادی گولان کو خارج کرنے کے باوجود یہ معاہدہ قابض ریاست کی حوصلہ افزائی ہے۔ وہ قابض ریاست سے منسلک کمپنیوں کو ترقی دینے کے لیے سائنسی تحقیق جاری رکھنے کے لیے یورپی ممالک کو اپنے ساتھ ملا رہا ہے۔
حماس کا کہنا ہے کہ نام نہاد سائنسی معاہدے میں اسرائیل کی شمولیت سے فلسطینیوں کے خلاف جرائم میں اضافہ ہوگا اور اسرائیلی فوج کو فلسطینیوں کے خلاف جرائم میں مدد ملے گی۔
حماس نے یورپی یونین سے مطالبہ کیا ہے وہ استحکام، بین الاقوامی قانون اور فلسطینیوں کے اپنی آزاد ریاست کے حق کی حمایت کا دعویٰ کرتی ہے، وہ اس معاہدے میں اسرائیل کی شمولیت کے فیصلے پرنظرثانی کرے اور اسرائیل کو اس معاہدے سے باہر کرے۔
انہوں نے اس پر زور دیا کہ وہ تمام پہلوؤں پر دباؤ ڈالیں اور تمام وسائل کے ساتھ قابض ریاست کے جرائم ختم کرنے، محاصرہ ختم کرنے اور فلسطینی عوام کے موروثی حقوق کو تسلیم کرنے کی بین الاقوامی کوششوں کا جواب دیں۔
