رمضان المبارک کےآخری ایام میں مسجد اقصیٰ میں اسرائیلی فوج کی وحشیانہ کارروائی کے دوران گرفتار کیے گئے کچھ فلسطینیوں کی مشروط طور پر رہا کیا گیا ہے۔
مقامی فلسطینی قانون دان خالد زبارقہ نے بتایا کہ مسجد اقصیٰ سے گرفتار فلسطینیوں کو مشروط طور پررہا کیا گیا ہے۔
انہوں نے بتایا کہ قابض فوج نے بعض فلسطینیوں کو گھروں میں نظر بندی کی شرط پر اور بعض کو مسجد اقصیٰ سے دور رہنے کی شرط پر رہا کیا گیا ہے۔
انہوں نے کہا کہ قابض حکام نے نادر نشتہ، آدم خلائلہ، عمر مصطفیٰ، عبدالرحمان ابو کف، بلال کنانی اور تامر محامید کو رہا کیا۔
ان فلسطینیوں کی 15 مئی تک گھروں میں ںظربندی کی شرط کےتحت رہائی عمل میں لائی گئی ہے جب کہ انہیں رواں ماہ کی 30 تک القدس سے باہر رہنا ہوگا۔
قابض فوج نے پانچ مئی کو اسرائیل کی نام نہاد 74 ویں یوم آزادی کے موقعے پرمسجد اقصیٰ سے 50 فلسطینیوں کو گرفتار کیا تھا۔
