یورپی پارلیمانی وفد نے دورہ فلسطین کے بعد عالمی برادری سے فلسطین کا معاشی مقاطعہ ختم کرنے کا مطالبہ کیا ہے- تفصیلات کے مطابق یورپ کے پارلیمانی وفد نے غرب اردن اور غزہ کی پٹی کا دورہ کیا- دورے کے دوران پارلیمانی وفد نے مختلف سیاسی جماعتوں کے نمائندوں سے بھی سے ملاقاتیں کیں- یورپی وفد نے غزہ کی معاشی صورت حال پر سخت تشویش کا اظہار کرتے ہوئے کہا کہ معاشی ناکہ بندی سے غزہ میں بچوں، خواتین اور مریضوں کی حالت خراب تر ہوتی جارہی ہے- غزہ میں صحافیوں کے ایک وفد سے بات چیت کرتے ہوئے وفد کے ارکان نے کہا کہ غزہ کی معاشی حالت بگڑنے کے باعث غربت کی شرح ستر فیصد سے بھی بڑھ چکی ہے- پارلیمانی وفد نے غزہ میں زیر تکمیل اقوام متحدہ اور اس کے مختلف منصوبوں کا بھی دورہ کیا- اقوام متحدہ اور دیگر اداروں کی جانب سے مختلف منصوبوں کے کھٹائی میں پڑ جانے پر بھی وفد نے تشویش ظاہر کی-
