یورپی یونین نے غزہ کے محاصرے کی مخالفت کردی

یورپی کمیشن نے غزہ کی پٹی کی اقتصادی ناکہ بندی جو گزشتہ پانچ ماہ سے جاری ہے پر شدید تنقید کی ہے اور مطالبہ کیا ہے کہ ان راہداریوں کو دوبارہ کھولا جائے تاکہ فلسطینیوں کی مشکلات کو کم کیا جاسکے-
 قانون ساز کونسل کے رکن جمال الخدری کو یورپی کمیشن امور خارجہ کے چیئرمین کی جانب سے یکجہتی کا ایک پیغام موصول ہوا ہے جس میں کہا گیا ہے کہ اس ناکہ بندی کے بدترین نتائج مرتب ہوں گے اور اپیل کی ہے کہ اس محاصرے کو ختم کیا جائے- یورپی کمیشن کے پیغام میں کہا گیا ہے کہ یورپی کمیشن کو اسرائیلی کابینہ کے اس فیصلے پر شدید تشویش ہے کہ ایندھن کی فراہمی کو محدود کردیا جائے-
بیان میں راہداریوں کی بندش پر بھی شدید تشویش کا اظہار کیا گیا ہے اور کہا گیا ہے کہ اقتصادی سطح پر اس کے شدید اثرات مرتب ہوں گے- یورپی کمیشن نے مطالبہ کیا کہ راہداریوں کو مولا جائے- انہوں نے کہا کہ یورپی کمیشن صورتحال کا باریک بینی سے جائزہ لے رہا ہے-
الخدری نے یورپی کمیشن سے مطالبہ کیا کہ غزہ کی ’’تباہ کن‘‘ صورتحال کو تبدیل کرنے کے لیے فوری اقدامات کی ضرورت ہے- انہوں نے رفح ٹرمینل تک ایک گروپ کے ہمراہ مارچ کیا تاکہ مصری افراد کے مارچ سے جاملیں جس کا انعقاد مصر کی لیبر پارٹی نے کیا تھا اور اس کی قیادت اس کے سیکرٹری مجدی حسین کررہے تھے-