غزہ راہداریوں کے معاملے پر مصر اور سعودی عرب میں مذاکرات

غزہ کی بین الاقوامی راہداریوں کا مسئلہ حل کرنے اور فلسطینیوں کے بیرونی دنیا سے رابطہ قائم کرنے کے حوالے سے مصر اور سعودی عرب میں مذاکرات جاری ہیں-
قاھرہ میں سعودی وزیر خارجہ سعود الفیصل اور ان کے مصری ہم منصب ابو الغیط کے درمیان مذاکرات کے پہلے دور میں فلسطینیوں کے مصر آمد و رفت کے مختلف پہلوئوں پر غور کیا گیا- مذاکرات کے مزید دو ادوار قاھرہ ہی میں ہوں گے، جن میں غزہ کی رفح راہداری کے علاوہ دیگر کے مستقبل کے حوالے سے بات چیت کی جائے گی-
 ذرائع کے مطابق سعودی عرب مصر اور فلسطین کے درمیان راہداریوں کو کھلا رکھنے کے حوالے سے بات چیت کررہے ہیں- اس کے علاوہ سعودی وزراء خارجہ کی کوشش ہے کہ وہ فتح اور اسلامی تحریک مزاحمت (حماس) کے درمیان مصالحت کی کوئی راہ نکالی جاسکے- اس ضمن میں سعودی حکام حماس اور فتح کے قائدین سے بھی ملاقاتیں کررہے ہیں-