ایرانی مفادات کا تحفظ کرنے پر آئی اے ای اے کے سربراہ البرادی کو برطرف کیا جائے

اسرائیل نے ایٹمی توانائی کے سربراہ محمد البرادی کو ایرانی مفادات کا نگران قرار دے کر ان کو برطرف کرنے کا مطالبہ کیا ہے-
 اسرائیلی صدر شمعون پیریز نے کہا کہ ایران عالمی دہشت گردی کا سرپرست ہے، وہ دہشت گردوں کو تربیت دے کر دنیا بھر میں پھیلا رہا ہے اب ایران نے ایٹمی ٹیکنالوجی بھی حاصل کرلی ہے- وہ ایٹمی دھماکہ کر کے عالمی خطرہ بن سکتا ہے-
 ادھر اسرائیلی وزیر تعمیرات زبویوئم نے ایک ٹی وی کو انٹرویو میں مطالبہ کیا کہ بین الاقوامی ایٹمی توانائی ایجنسی کے سربراہ محمد البرادی کو برطرف کیا جائے کیونکہ وہ ایران کے مفادات کا تحفظ کررہے ہیں- اسرائیلی وزیر نے کہا کہ بین الاقوامی توانائی ایجنسی ایرانی یورینیم افزودگی پروگرام کو روکنے میں ناکام رہی ہے- زبوئم کا تعلق ایہود اولمرٹ کی کدیما پارٹی سے ہے-