فلسطینی اتھارٹی نے خانہ جنگی کا ارتکاب کر کے قوم دشمنی کا ثبوت دیا

فلسطینی عوام کی بھاری اکثریت نے اسلامی تحریک مزاحمت (حماس) کے خلاف فلسطینی اتھارٹی کی جنگ کو قوم سے غداری قرار دیا ہے-
مرکز اطلاعات فلسطین پر کیے گئے ایک عوامی سروے میں 87 فیصد رائے دہندگان نے حماس کے خلاف فلسطینی اتھارٹی کی کارروائی کو فلسطینی عوام کے خلاف سازش قرار دیا- رائے دہندگان کی اکثریت نے امریکہ اور اسرائیل کو خانہ جنگی کے ذریعے باہمی تصادم کرانے کا ذمہ دار قرار دیا- رائے دہندگان میں صرف 6 فیصد نے فلسطینی اتھارٹی کی غزہ میں حماس کے خلاف کارروائی کو داخلی امور کے حل کے لیے اہم قرار دیا- سات فیصد نے اس بارے میں کوئی رائے ظاہر نہیں کی-
سروے میں کل 3646 رائے دہندگان نے اپنی رائے کا اظہار کیا جبکہ 3172 نے امریکہ، فلسطینی اتھارٹی اور اسرائیل کو فلسطینی عوام کے خلاف سازشی عناصر قرار دیا- واضح رہے کہ گزشتہ برس کے نصف میں الفتح کے تخریب کاروں کے حملوں میں درجنوں بے گناہ فلسطینی شہید ہوگئے تھے-