اسرائیلی سفیر جمی کارٹر پر برس پڑا

اقوام متحدہ میں تعینات امریکی سفیر ڈان گیلر مان نے سابق امریکی صدر جمی کارٹر کے حماس کے سربراہ خالد مشعل سے ملاقات پر سخت ناپسندیدگی کا اظہار کیا ہے-
واشنگٹن میں یہودی مرکز ’’یروجیکٹ‘‘ میں یہودی کمیونٹی سے خطاب کرتے ہوئے انہوں نے کہا کہ جمی کارٹر نے اسرائیلی دشمنوں سے ہاتھ ملا کر اپنے ہاتھ بھی اسرائیلی عوام کے خون سے آلود کیے ہیں- جمی کارٹر اسرائیل کے خلاف غصے کے ہاتھ لے کر گئے اور خون آلود ہاتھ لے کر واپس آئے-
 انہوں نے مزید کہا کہ جمی کارٹر ضرورت سے زیادہ اپنے آپ کو بڑھا چڑھا کر پیش کررہے ہیں- دوسری جانب امریکی ذرائع کے مطابق جمی کارٹر کے حالیہ دورہ مشرق وسطی کے دوران وائٹ ہاؤس نے ان پر زور دیا ہے کہ وہ حماس کے راہنماؤں اور شامی قیادت سے ملاقات سے گریز کریں-