اسرائیل کی شمالی سرحدوں پر حملے کے کا خطرات ابھی تک منڈلا رہے ہیں

اسرائیل نے مقبوضہ جولان کی پہاڑیوں میں تعینات بین الاقوامی افواج کے ذریعے شام کو جنگ بندی برقرار رکھنے کا پیغام ارسال کیا ہے-
تل ابیب سے عبرانی زبان میں شائع ہونے والے اخبار معاریف کے مطابق اسرائیل کی شمالی سرحدوں پر ابھی بھی کارروائیوں کا خطرہ منڈلا رہا ہے، لیکن شام کو معلوم ہے کہ اسرائیل فوجیوں یا شہریوں کے خلاف کسی قسم کی کارروائی کا سخت جواب دے گا-
 دوسری جانب اسرائیل نے شام کو جنگ بندی برقرار رکھنے کا پیغام ارسال کیا ہے جس میں کہا گیا ہے کہ اسرائیل شام کے خلاف کسی قسم کی جارحانہ کارروائی کا ارادہ نہیں رکھتا- البتہ اسرائیلی فضائیہ نے حزب اللہ کے آپریشن کمانڈر کے قتل کے ردعمل کے خطرے کے پیش نظر شمالی سرحدوں کی فضاء میں پروازیں بڑھادی ہیں-