اسرائیل ایک سڑتی ہوئی لاش ہے، محمود احمدی نژاد

ایرانی صدر محمود احمدی نژاد نے اسرائیل کی 60 ویں سالگرہ پر تنقید کرتے ہوئے کہا ہے کہ اسرائیل ایک بدبو دار اور سڑتی ہوئی لاش ہے۔
 یہ بات انہوں نے ایرانی سرکاری خبر رساں ادارے سے بات کرتے ہوئے کہی، انہوں نے کہا ہے کہ یہودی ریاست کے قیام کی سالگرہ ایک ڈھونگ ہے اور ایران کبھی بھی یہودی ریاست اسرائیل کو تسلیم نہیں کریگا۔ انہوں نے کہا کہ وہ لوگ جو یہ سمجھتے ہیں کہ اسرائیل کی 60 ویں سالگرہکے موقع پر وہ اس سڑتی ہوئی لاش میں جان ڈال کر اسے زندہ کردینگے وہ ایک بہت بڑی غلطی کر رہے ہیں۔
 انہوں نے اسرائیل اور حزب اللہ کے مابین ہونے والی جھڑپ کا حوالہ دیتے ہوئے مزید کہا کہ لبنانیوں سے شکست کے بعد اسرائیل اپنے اختتام کے آخری مراحل میں داخل ہوگیا ہے۔