مصری انٹیلی جنس چیف تل ابیب پہنچ گئے

مصری خفیہ ادارے کے سربراہ بریگیڈئیر عمر سلمان آج فلسطین اور اسرائیل کے درمیان جنگ بندی معاہدہ کرانے کے لیے تل ابیب پہنچ گئے-
 ان کے دورے کا مقصد حماس اور دیگر فلسطینی جماعتوں کی جانب سے اسرائیل سے جنگ بندی کی پیشکش پر غور خوض کرنا ہے- اسرائیلی ریڈیو کے مطابق عمر سلمان جنگ بندی کی تجاویز کے ساتھ تل ابیب آئے ہیں- اسرائیلی حکام ان کی آراء بھی سنیں گے اور مجاہدین کی جانب سے جنگ بندی کی پیشکش کو مختلف پہلوؤں سے دیکھا جائے گا-
 ریڈیو رپورٹ کے مطابق اسرائیل کے لیے ایک ایسی تنظیم جو اس کی تباہی کے مقاصد رکھتی ہے سے جنگ بندی ایک مشکل فیصلہ ہوگا- دوسری جانب سابق وزیر دفاع شاؤل موفاز نے کہا کہ حکومت کو حماس سے جنگ بندی کے بجائے طاقت سے سمجھانا چاہیے-