یورپین پارلیمنٹ کی نائب سربراہ لوئز امور گنتنی کی قیادت میں یورپین پارلیمانی وفد کا کہناہے کہ غزہ کی پٹی میں جو کچھ ہو رہاہے اس کے حوالے سے بیداری کی ایک مہم شروع کی جائے گی تاکہ غزہ کی پٹی پر اسرائیلی محاصرے کا خاتمہ کیاجاسکے اور اہل فلسطین پر جو پابندیاں عائد ہیں وہ ختم کی جاسکیں-
اسرائیلی ناکہ بندی کے غزہ کی پٹی پر تباہ کن اثرات کا براہ راست مشاہدہ کرنے کے بعد یورپین وفد نے کہاکہ اسرائیل کی جانب سے عائد حصار بندی مکمل طور پر غیر منصفانہ ہے – علاوہ ازیں امریکہ کے سابق سفیر جورڈن رچرڈ وسیس جو غزہ کے دورے پر ئے ہوئے ہیں نے غزہ کی پٹی میں موجود فلسطینیوں سے یکجہتی کا اظہار کیا ہے-
انہوں نے کہاکہ امریکی لوگ فلسطینیوں کے ساتھ یک جہتی چاہتے ہیں اور میرا دورہ بھی اسی سلسلے کی کڑی ہے- غزہ میں وزیر صحت ڈاکٹر باسم نعیم کی موجودگی میں پریس کانفرنس سے خطاب کرتے ہوئے انہوں نے کہاکہ وہ اہل غزہ کے حالات کے بارے میں امریکی انتظامیہ کو آگاہ کریں گے ، ڈاکٹر باسم نعیم نے حصار بندی سے پہنچنے والے نقصان کی تفصیلات بیان کیں –
