الجزائر کی جانب سے ایندھن کی فراہمی کی یقین دہانی

الجزائر کی حکومت نے اس عزم کا اعادہ کیا ہے کہ وہ غزہ شہر میں موجود فلسطینی شہریوں کے مسائل میں کمی لانے کے لیے دو برس تک ایندھن کی فراہمی کے لیے تیار ہیں-
 
یہ بات چیت فلسطینی اتھارٹی کے نگران وزیراعظم اسماعیل ھنیہ اور الجزائر کے وزیر عبدالعزیز بالخادم کے درمیان ٹیلی فون پرہوئی- ان کوششوں کا مقصد یہ ہے کہ فلسطینیوں کے باہمی مذاکرات کے درمیان عربوں کا تعاون شامل رہے- اسماعیل ھنیہ نے قبل ازیں شام کے صدر بشار الاسد سے بھی فون پر بات کی کہ جو عرب کانفرنس کے موجودہ سربراہ ہیں- انہوں نے کہاکہ جب تک فلسطینیوں کے درمیان اتفاق رائے نہیں ہوجاتا، اس وقت تک عربوں کو بھرپور تعاون کرناچاہیے-

مرکزاطلاعات فلسطین کو موصولہ اطلاع کے مطابق، مصری انٹیلی جنس کے سربراہ عمر سلیمان کو وزیراعظم ھنیہ کی جانب سے فون موصول ہوا اور فلسطینیوں کے درمیان قومی مذاکرات کے حوالے سے اس پر بات ہوئی ،علاوہ ازیں رفح راہداری اور معاہدہ امن پر بھی بات چیت ہوئی-