علیحدہ علیحدہ اسلوب میں معاملات کرنے کے لیے اسرائیل کی قانون سازی

غزہ میں اسلامی تحریک مزاحمت (حماس) کی حکومت اور مغربی کنارے میں فلسطینی اتھارٹی سے علیحدہ علیحدہ اسلوب سے معاملات کرنے کے لیے اسرائیلی حکومت قانون سازی کررہی ہے-
 
فلسطینی اتھارٹی اسرائیل کی نظر میں اعتدال پسند ہے جبکہ حماس حکومت کو وہ انتہاء پسند اور دہشت گرد ریاست قرار دیتا ہے- واضح رہے کہ غزہ میں حماس کا کنٹرول ہے جبکہ مغربی کنارے میں محمود عباس کے زیر انتظام فلسطینی اتھارٹی ہے-

دونوں حصوں کے لیے علیحدہ قانون سازی سے اسرائیل کے لیے فلسطینی اتھارٹی سے مذاکرات جاری رکھنے میں کوئی رکاوٹ نہیں ہوگی- ذرائع کے مطابق نئے اسرائیلی قانون سازی کا مقصد غزہ پر حصار بندی جاری رکھنا ہے- اسرائیلی حکومت مزاحمت کے خاتمے اور اسرائیل کو تسلیم کرنے جیسے تمام مطالبوں پر عمل کرانے تک غزہ کے خلاف ناکہ بندی جاری رکھنا چاہتی ہے-