اسرائیل نے دھمکی دی ہے کہ حماس اس وقت تک اس کی دشمن ہے جب تک وہ اسرائیل کو تسلیم نہیں کرتی- اسرائیل کو اپنے دشمن جماعت کے خلاف بالآخر سخت فیصلہ کرنا ہوگا-
اسرائیلی نائب وزیر دفاع فیلنائی نے ریڈیو کے ایک پروگرام میں شہریوں کے سوالات کے جوابات دیتے ہوئے کہا کہ حماس کو اب بھی اپنا دشمن سمجھتے ہیں حماس سے کی جانے والی جنگ بندی اس کی مزید مضبوطی کے لیے نہیں بلکہ اس کا مقصد اسرائیل کو مزاحمت کاروں کے حملوں سے محفوظ کرنا ہے-
انہوں نے کہا کہ اسرائیل ایک خاص حکمت عملی کے تحت حماس اور دیگر مزاحمت کاروں سے نمٹنے کا منصوبہ بنارہا ہے- نائب وزیر دفاع نے کہا کہ القدس کے لیے سینکڑوں یہودیوں نے اپنی جانیں نچھاور کی ہیں لہذا اس سے کسی صورت بھی دستبردار نہیں ہوں گے اور القدس کو بالآخر اسرائل کا دارالحکومت بنانا ہوگا-
