محمد براکہ کے خالد مشعل سے ملنے پر اسرائیلی اراکین کا ردعمل

اسرائیلی پارلیمان کے اراکین نے عرب رکن محمد براکہ کو سزا دینے کا مطالبہ کیا ہے کیونکہ انہوں نے اسلامی تحریک مزاحمت (حماس) کے سربراہ خالد مشعل سے ملاقات کی ہے-
 
ذرائع ابلاغ میں آنے والی خبروں کے مطابق رکن اسمبلی محمد براکہ نے فلسطینی سرزمین پر اسرائیلی قبضے کے ساٹھ برس مکمل ہونے کے موقعہ پر ہونے والے سیمینار میں شرکت کی اور خالد مشعل سے ملاقات کی – ذرائع نے کہاہے کہ اس موقعے پر دونوں رہنماؤں کے درمیان تفصیلی بات چیت ہوئی – محمد براکہ نے اس وقت ملاقات پر تبصرہ کرنے سے انکار کردیا ہے اور کہاہے کہ میں فلسطینیوں کے مختلف دھڑوں کے درمیان مفاہمت پیدا کرنے میں مصروف رہا ہوں-

مفدال پارٹی کے رہنما اور اسرائیلی پارلیمان کے رکن زلولون اور لیو نے اسرائیلی حکومت کے مشیر مناخم ماذود سے کہاہے کہ براکہ کی ملاقات کے بارے میں تفتیش کی جائے –