گیلاد شالیت کی رہائی بڑی قربانی کی متقاضی ہے: اسرائیلی وزیر دفاع

اسرائیلی وزیر دفاع ایہود باراک نے کہا ہے کہ اسلامی تحریک مزاحمت (حماس) کے ہاں اسیر فوجی گیلاد شالیت کی رہائی آسان کام نہیں- یہ ایک مشکل معاملہ ہے اور بڑی قربانی کا متقاضی ہے-
 
اسرائیلی ریڈیو سے گفتگو کرتے ہوئے انہوں نے کہا کہ گیلاد کی رہائی کے لیے تمام جائز ذرائع اختیار کررہے ہیں- انہوں نے کہا کہ گیلاد کی کے لیے کیے جانے والے اقدامات کو خفیہ رکھنا بہتر ہے-

دوسری جانب حماس نے واضح کیا ہے کہ وہ گیلاد شالیت کی رہائی کے معاملے میں اس وقت تک پیش رفت نہیں کرے گی جب تک اسرائیل جنگ بندی کی شرائط پر عمل درآمد نہیں کرتا-