مراکشی شہداء کے جسد خاکی کے استقبال کے لیے بے تاب

مراکش کے تین خاندان فلسطین میں شہید ہونے والے اپنے بیٹوں کے جسد خاکی کے استقبال کی تیاریاں کررہے ہیں- ان شہداء کے جسد خاکی قیدیوں کے تبادلے میں اسرائیل نے حزب اللہ کے سپرد کئے ہیں-
 
مراکش کے قومی ایکشن گروپ کے رکن عبدالالہ انتظامات مکمل کرنے کے لیے  بیروت گئے ہیں- بیرو ت میں مراکش کے نائب سفیرلحسن الجیت نے کہاہے کہ شہداء کے جسد خاکی آئندہ چند دنوں میں مراکش پہنچ جائیں گے-
دوسری جانب قومی ایکشن گروپ کے سربراہ خالد سفیانی نے حزب اللہ کے جنرل سیکرٹری حسن نصراللہ کو خط لکھاہے- جس میں ان سے شہداء کے جسد خاکی جلد از جلد مراکش پہنچانے کی درخواست کی گئی ہے- خط میں کہاگیاہے کہ مراکش کے لوگ اپنے ان شہداء کے استقبال کے لیے بے تاب ہیں جنہوں نے امت مسلمہ کے مسائل کے لیے اپنی جانیں قربان کی ہیں-