لبنان کے شہر طرابلس میں ہونےوالے بم دھماکے میں 16 جاں بحق اور تیس افراد زخمی ہو گئے۔ جاں بحق ہونے والوں میں کم از کم سات فوجی اہلکار بیان کئے جاتے ہیں۔ دو زخمیوں کی حالت نازک بیان کی جاتی ہے۔ دھماکے کی جگہ سے عالمی ریڈ کراس کے ذریعے نعشوں اور زخمیوں کو اسپتال منتقل کیا گیا۔ اب تک کسی گروپ نے دھماکے کی ذمہ داری قبول نہیں کی۔
بیروت میں سیکورٹی حکام کے مطابق دھماکا طرابلس کی ایک مصروف شاہراہ پر ہوا۔ تفصیلات کے مطابق حملہ میں فوجیوں کی ایک بس کو نشانہ بنایا گیا۔ دھماکا میں زخمی ہونے والوں کواسپتال منتقل کر دیا گیا ہے۔ حکام کے مطابق بم بس کے اندر نصب کیا گیا تھا۔
یہ دھماکا اس وقت ہوا کہ جب لبنان کے صدر مائیکل سلیمان اپنی شامی ہم منصب بشار الاسد سے ملاقات کے لئے دمشق روانہ ہو چکے ہیں۔ علاقے میں گزشتہ دنوں میں حزب اللہ اور شام کے حامی علوی قبائل اور لبنانی فوج کے درمیان خونریز جھڑپیں دیکھنے میں آئی ہیں۔ ان نسلی اور فرقہ وارانہ فسادات میں 22 افراد ہلاک جبکہ تیس سو زخمی ہو چکے ہیں۔
